ग्रुप ग्रामपंचायत कार्यालय, मलिकपेठ

मलिकपेठ हे सोलापूर जिल्ह्यातील मोहोळ तालुक्यामध्ये असलेले एक गाव आहे. जेथे प्रामुख्याने मराठी भाषा बोलली जाते. हे गाव मोहोळपासून ५ किमी. अंतरावर सिना नदी काठी वसलेले, भौगोलिकदृष्टीने आकर्षक असे सर्व सोयी सुविधायुक्त असे गाव आहे.

गावाचे ग्रामदैवत “मलिकबाबा” आहे. उत्सवकालावधीत सर्व जातीधर्माचे लोक एकत्र येऊन उत्सव साजरा करतात. तसेच गावामध्ये “शिवशंभू” महादेवाचे आकर्षक मंदीर असून “महाशिवरात्री” दिवशी खूप मोठी यात्रा भरते. तसेच गावामध्ये सुसज्ज हनुमान मंदीर आहे.

ग्रामपंचायत मलिकपेठ अंतर्गत १) खरखटणे २) दांगडेवाडी ३) मलिकपेठ वरील तीन महसुली गावे येतात. या तिन्ही गावाची मिळून एक ग्रुप ग्रामपंचायत आहे.

खरखटणे येथील हनुमान देवस्थान जागृत देवस्थान असून दर शनिवारी भाविक मोठ्या प्रमाणात दर्शनासाठी येतात, व भाविकांची मनोकामना पूर्ण होते. सर्व ग्रामस्थ गुण्यागोविंदाने एकत्र येऊन वर्षभरातील सण उत्सव, सामाजिक, सांस्कृतिक व धार्मिक कार्यक्रमात सहभागी होतात.